Iż-żgħażagħ

X’qed tagħmel l-UE

L-UE u l-Istati Membri tagħha jaħdmu flimkien biex jagħtu sostenn liż-żgħażagħ, kif indikat fl-Istrateġija tal-UE għaż-Żgħażagħ, li tiffoka fuq 3 oqsma ta’ azzjoni ewlenin:

Impenn – ninkoraġġixxu liż-żgħażagħ ikunu attivi fis-soċjetà u jipparteċipaw fit-teħid tad-deċiżjonijiet
Konnessjoni – nipprovdu opportunitajiet biex iż-żgħażagħ u dawk li jaħdmu maż-żgħażagħ jipparteċipaw f’attivitajiet tal-mobbiltà tal-apprendiment u tal-volontarjat, u niffaċilitaw il-kooperazzjoni u l-apprendiment fost l-organizzazzjonijiet taż-żgħażagħ
Għoti tas-setgħa – nappoġġjaw l-iżvilupp ta’ ħidma ta’ kwalità fost iż-żgħażagħ

Skopri x’tista’ toffri liż-żgħażagħ l-UE

Iż-żgħażagħ fl-UE

64% ipparteċipaw f’attivitajiet ta’ organizzazzjonijiet mingħajr skop ta’ qligħ f’dawn l-aħħar 12-il xahar

48% ħadu azzjoni biex ibiddlu s-soċjetà (iffirmaw petizzjoni, ipparteċipaw f’dimostrazzjoni, jew kitbu lil xi politiku)

74% jemmnu li l-edukazzjoni li ħadu tathom il-ħiliet diġitali meħtieġa biex jidentifikaw id-diżinformazzjoni

^Sors:^{Ewrobarometru dwar iż-Żgħażagħ u d-Demokrazija}^{, 2024}

L-oqsma ta’ azzjoni

Id-djalogu tal-UE maż-żgħażagħ

Forum għar-riflessjoni u l-konsultazzjoni dwar dak li sar fuq il-bażi tal-Istrateġija tal-UE għaż-Żgħażagħ

Djalogi ta’ politika maż-żgħażagħ

Id-Djalogi ta’ Politika maż-Żgħażagħ ilaqqgħu flimkien liż-żgħażagħ u lill-Kummissarji biex jitkellmu dwar l-inizjattivi politiċi tal-UE

L-attivitajiet ta’ parteċipazzjoni taż-żgħażagħ tal-Erasmus+

Opportunitajiet ta’ apprendiment mhux formali u informali għaż-żgħażagħ u għal dawk li jaħdmu maż-żgħażagħ

Il-Korp Ewropew ta’ Solidarjetà

Opportunitajiet għaż-żgħażagħ biex jagħmlu l-volontarjat jew jaħdmu fuq proġetti li jkunu ta’ benefiċċju għall-komunitajiet u għan-nies madwar l-Ewropa

L-Erasmus għal imprendituri żgħażagħ

Programm tal-UE li jgħin biex l-intraprendituri Ewropej jiksbu l-ħiliet meħtieġa biex jibdew u jmexxu negozju żgħir

Il-Bord Konsultattiv taż-Żgħażagħ għall-President

Inizjattiva li liż-żgħażagħ tagħtihom l-opportunità li jiltaqgħu mal-President tal-Kummissjoni u jaqsmu magħha ħsibijiethom dwar kwistjonijiet li huma importanti għalihom

Il-kisbiet ewlenin

L-Erasmus+, waħda mill-aktar inizjattivi tal-UE li rnexxew, ipprovdiet lil miljuni ta’ żgħażagħ opportunitajiet biex jistudjaw, jitħarrġu, jagħmlu l-volontarjat, u jaħdmu barra minn pajjiżhom, filwaqt li tinkoraġġixxi l-iskambju interkulturali u l-iżvilupp tal-ħiliet.
Permezz ta’ inizjattivi bħas-Sena Ewropea taż-Żgħażagħ, il-Ġimgħa Ewropea taż-Żgħażagħ, u l-Portal Ewropew taż-Żgħażagħ, l-UE ħeġġet liż-żgħażagħ jinvolvu ruħhom f’attivitajiet ċiviċi, fl-elezzjonijiet, u fit-tfassil tal-inizjattivi politiċi.
Bil-“Verifika taż-Żgħażagħ”, l-UE tixtieq tiżgura li, fil-fażi tat-tfassil tagħhom, l-inizjattivi politiċi tal-UE jagħtu kas tal-impatt fuq iż-żgħażagħ.
Il-Grupp tal-Partijiet Ikkonċernati taż-Żgħażagħ tal-UE jinkludi organizzazzjonijiet taż-żgħażagħ, kunsilli nazzjonali taż-żgħażagħ, riċerkaturi fil-qasam taż-żgħażagħ, u rappreżentanti tal-Istati Membri u tal-istituzzjonijiet tal-UE. Il-grupp jgħin biex jiġu skambjati l-għarfien u l-prattiki tajbin, jiffaċilita l-proċess tal-“Verifika taż-Żgħażagħ”, iwassal il-ħtiġijiet taż-żgħażagħ, u jservi bħala grupp konsultattiv dwar inizjattivi konġunti li jkunu ta’ benefiċċju għaż-żgħażagħ.
Permezz tad-Djalogi maż-Żgħażagħ, iż-żgħażagħ jipparteċipaw b’mod attiv fit-tfassil tal-inizjattivi politiċi tal-UE flimkien ma’ dawk li jieħdu d-deċiżjonijiet fil-livelli nazzjonali u tal-UE.

Taħt il-lenti

Fassal il-futur li tixtieq: ejja bl-ideat tiegħek u sawwar il-ġejjieni

Qed noħolqu spazju fejn l-ideat tiegħek jgħoddu. Dan l-aħħar il-Kummissjoni fetħet ċiklu ġdid ta’ diskussjonijiet maż-żgħażagħ madwar l-UE. Issa dawn iridu jismgħu x’għandek xi tgħid int. Ara x’inhuma l-34 suġġett: mill-akkomodazzjoni sal-ivvjaġġar bil-ferrovija, mill-klima sal-paċi. Semma leħnek illum. Involvi ruħek u ħalli impatt fuq id-diskussjonijiet dwar l-inizjattivi politiċi futuri.

Kompli aqra